lýsingarorð
now browsing by tag
Kirkjubæjarklaustur
Hver verkefnapakki inniheldur 4 verkefnablöð. Í þjóðsögunni Kirkjubæjarklaustur er unnið með orð í orði, krossorðaglímu og lýsingarorð þar sem nemendur þurfa að finna orð í textanum og stigbreyta í réttu kyni.
Hugtakið málsgrein kemur fyrir í verkefnaheftinu en því er gjarnan ruglað saman við hugtakið setning. Málsgrein hefst á stórum staf og endar á punkti, hún getur innihaldið eina eða fleiri setningar sem eru þá tengdar saman með samtengingum eða kommum. Setning er aftur orðasamband sem inniheldur aðeins eina sögn.
Smelltu á bláa linkinn hér fyrir ofan til að sækja PDF eintak af efninu.
Námsefnið er unnið í samstarfi við Mitt Ísland sem gefur þjóðsöguspilin út og færir kennurum nú þessa gjöf. Í desember 2017 kom út 32 blaðsína þrauta- og verkefnabók þar sem áherslan er að læra í gegnum afþreyingu. Í námsefninu á síðu Kennarans hefur meiri málfræði verið bætt við hvern pakka sem tengist námsmarkmiðum miðstigs í íslensku.
Hægt er að panta þjóðsöguspilin og þrauta- og verkefnabókina með þjóðsögunum hér.
Lýsingarorð – Litir í náttúrunni
Nemendur fletta flipunum upp og skrifa niður þann lit sem þeim finnst passa við náttúrufyrirbærin. Tilvalið er að fletta landabréfabókum eða vafra um á netinu og skoða hvaða liti við sjáum almennt í náttúrunni. Hér gefst gott tækifæri til að rifja upp nafnorðin og samspil nafnorða og lýsingarorða. Lýsingarorð standa með nafnorðum og geta jafnframt fallbeygst eins og þau.
Aukaverkefni: Hægt er að nota verkefnablaðið í margvísleg aukaverkefni. Nemendur geta stigbreytt lýsingarorðunum, fallbeygt þau og raðað í stafrófsröð. Einnig má nota nafnorðin sem standa á strimlunum í sama tilliti og strika undir greininn. Einnig mætti lita flipana í sömu litum og valdir hafa verið (skrifa gul undir flipann með sólinni og sömuleiðis að lita flipann gulan).
D5 Creation