Apríl er fjórði mánuður ársins og nú fara blóm að springa út. Nafnið á rætur sínar að rekja til latneska orðsins aperire sem þýðir að opnast. Á grísku þýðir apríl mánuður Afródítu, en Afródíta var grísk gyðja ástar og fegurðar. Apríl er fyrsti mánuður ársins til að bera 30 daga og páskarnir eru ýmist haldnir hátíðlega í mars eða apríl. Apríl byrjar á skemmtilegum degi en hefð er að gabba einhvern og láta viðkomandi hlaupa fyrsta apríl! Dagur barnabókarinnar er 2. apríl, sem er afmælisdagur H.C. Andersen og alþjóðadagur bókarinnar er 23. apríl. Sumardaginn fyrsta ber alltaf upp á fimmtudag í apríl. Misjafnt er hvaða dag en þó er hann alltaf á bilinu 19. – 25. apríl. Svo má ekki gleyma pálmasunnudegi, skírdegi, föstudeginum langa og páskadegi sem tilheyra páskahátíðinni.

Efnið samanstendur af 12 skjölum með mánaðarheitunum. Nöfn nemenda eru skráð á réttan mánuð, og skjölin plöstuð og hengd upp í skólastofunni. Hægt er að setja texta í PDF skjalið með verkfærinu PDFescape áður en prentað er. Með pakkanum fylgir einnig stakt A4 blað með öllum mánuðunum sem gott er að stinga inn í skipulagsbókina. Myndirnar eru fengnar af síðunni silhouettesfree.com