Prentaðu skjalið út og plastaðu. Klipptu uglurnar út. Í svarthvítu útgáfunni geta leikmenn litað uglurnar að vild áður en klippt er. Leikreglur:  Leikmenn leggja uglur sínar víðsvegar um borðið og reyna að mynda þrennu lóðrétt, lárétt eða á ská. Ef tekst að mynda þrennu má fjarlægja einn af spilapeningum andstæðingsins af borðinu, þó ekki ef sá spilapeningur er einnig í þrennu. Þegar búið er að leggja allar uglur niður spila leikmenn með því að færa þær um reitina. Ekki má hoppa á milli lína nema þegar leikmaður á einungis 3 uglur eftir. Sá tapar sem fyrstur stendur uppi með einungis 2 uglur. Einnig er hægt að nálgast Uglumylluna í svarthvítri útgáfu.