Kennarinn.is

Skjalið er 16 blöð sem prenta þarf báðum megin. Spilið samanstendur af fjórum borðpjöldum með bakhliðum og fjórum klippiblöðum, einnig með bakhliðum, sem innihalda 12 myndir og orð með stærðfræðiformum. Gott er að plasta öll skjölin áður en seinni fjögur blöðin eru klippt niður.

Nemendur spila 2-4 saman í hóp með eitt eða fleiri borðspjald. Miðarnir eru settir á hvolf í bunka og spilið hefst á því að fyrsti leikmaður dregur miða. Ef hann dregur mynd af stærðfræðiformi má hann leggja miðann á reit borðspjaldsins þar sem stendur mynd. Ef hann dregur heiti á stærðfræðiformi (miða með texta) verður hann að skila miðanum aftur í bunkann. Til að hefja söfnun á ákveðnu stærðfræðiformi þarf fyrst að draga mynd af því og raða svo miðum með texta í dálkinn undir hana. Þannig getur leikurinn gengið í nokkra hringi áður en söfnun hefst. Leikmenn draga miða til skiptis. Ef leikmaður 1 er búinn að fá mynd af stærðfræðiformi en leikmaður 2 dregur textamiða með nafninu verður sá síðastnefndi að GEFA leikmanni 1 miðann sinn. Leikmaður 1 leggur þá textamiðann undir myndina af viðkomandi stærðfræðiformi. Ef leikmaður 1 er hinsvegar kominn með mynd af viðkomandi stærðfræðiformi og búinn að fá tvo textamiða undir hana að auki (á bara einn auðan textareit eftir af stærðfræðiforminu) má leikmaður 2 (sá sem dró síðsta textamiðann með stærðfræðiforminu) TAKA alla miðana af leikmanni 1 og raða á sitt spilaborð svo lengi sem enn er pláss á því. Sá leikmaður sem fyrstur nær að fylla upp í sitt spilaborð með þremur gerðum af stærðfræðiformum vinnur leikinn.

Vinna má með gögnin úr spilinu á fleiri en einn máta, sé það prentað út í tveimur eintökum er komið samstæðuspil, sé það prentað út í fjórum eintökum má nota miðana í Veiðimann.