Kennarinn.is

Einn fyrir alla…

100 bóka áskorun

100 bóka áskorun Kennarans er lestrarátak sem byggist á því að börn lesa 100 bækur yfir 6 mánaða tímabil og skila inn þátttökuseðlum. Samhliða því að lesa bækur og tímarit þurfa börn að skrá niður bókatitlana og senda inn ásamt nafni, síma og heimilisfangi.

Fyrsta lestrarátakið hóf göngu sína á vordögum 2016 og nú er fjórða átakið að hefja göngu sína. Skilafrestur að þessu sinni er 1. mars 2018 og sem fyrr verða mjög veglegir vinningar í boði.

Önnur lestrarátök á vegum Kennarans eru 100 daga lestrarátakið sérstaklega hugsað fyrir 1. og 2. bekk og 100 lesnar stundir fyrir börn og foreldra í leik- og grunnskólum, en tilgangur þess síðastnefnda er að fjölga gæðastundum fjölskyldna og uppgötva ævintýraheima bókmenntanna í sameiningu.

Lestrarátak #3 er hafið og stendur yfir frá 1. mars´17 til 1. september ´17. Smelltu hér til að nálgast þátttökuheftið.

Lestrarátak fyrir 1. og 2. bekk. Skilafrestur er 6. okt. ´17 á degi óða hattarans. Smelltu hér til að nálgast þátttökuheftið.

Lestrarátak fyrir leik- og grunnskólabörn. Skilafrestur er 6. okt. ´17. Smelltu hér til að nálgast þátttökuheftið.

Lestrartengt efni

Sigurvegari lestrarátaks #2

Annað lestrarátakið hóf göngu sína haustið 2016 og skilafrestur var 1. mars 2017. Dregið var úr innsendum seðlum miðvikudaginn 15. mars 2017 og að þessu sinni var það Tristan Leví Heimisson, fyrsti bekkingur í Grunnskóla Reyðarfjarðar sem hneppti gjafakörfuna en hann fékk:

 

# Iconia One 7, Acer spjaldtölvu og 4 miða á Hvalasafnið í Reykjavík frá Kennaranum útgáfu

# Iconia One 7, spjaldtölvuhulstur frá Tölvuteki

# Áritaða bókina Þín eigin hrollvekja frá Ævari Þór Benediktssyni (vísindamanni).

# Bókaglaðning frá Eddu útgáfu

# Bókaglaðning frá Óðinsauga útgáfu

 

Við óskum Tristani Leví innilega til hamingju með sigurinn. Aðrir þátttakendur voru leystir út með glaðningi frá Eddu útgáfu.

Styrktaraðilar lestrarátaks #2

Sigurvegari lestrarátaks #1

Fyrsta lestrarátakið hóf göngu sína á vordögum 2016 og skilafrestur var 1. september. Dregið var úr innsendum seðlum miðvikudaginn 7. september 2016 og vinningurinn er ekki af verri endanum. Það var Svanhildur Margrét, 10 ára nemandi í Hlíðaskóla sem bar sigur úr býtum en hún fékk:

# Iconia One 7, Acer spjaldtölvu frá Kennaranum útgáfu

# Iconia One 7, spjaldtölvuhulstur frá Tölvuteki

# 3 mánaða aðgang að Andrésarsögum fyrir spjaldtölvur, 3 Syrpur og heyrnartól frá Eddu útgáfu

# Fyrstu seríuna af Óvættaför, bækur 1-6, frá IÐNÚ útgáfu

 

Við óskum Svanhildi Margréti innilega til hamingju með sigurinn. Aðrir þátttakendur voru leystir út með veglegri gjöf frá Útipúkum.is og fengu bókina Útivist og afþreying fyrir börn.

Styrktaraðilar lestrarátaks #1