Kennarinn.is

Einn fyrir alla…

Elddrekinn Fernó

[featured_image]
Elddrekinn Fernó - PDF
Download is available until [expire_date]
  • Version
  • Download 485
  • File Size 2.55 MB
  • File Count 1
  • Create Date 6. ágúst, 2016
  • Last Updated 1. september, 2016

Elddrekinn Fernó

elddrekinn_fernoelddrekinn_ferno2elddrekinn_ferno3elddrekinn_ferno4

 

"Illviljaður töframaður hefur lagt álög á verndarvætti Avantíu og aðeins sönn hetja getur bjargað þeim og komið í veg fyrir að þeir leggi landið í auðn. Er Tom hetjan sem Avantía hefur beðið eftir?" (Iðnú, útgáfa: Óvættaför 1)

 

Í þessum fyrsta þrautapakka glíma nemendur við margvísleg málfræðiverkefni. Í upphafi eru sérnöfnin í lestextanum skoðuð og þeirra leitað í orðasúpu. Nemendur þurfa að skrá lykilorð niður á sérstakt skjal og geta jafnframt unnið sér inn aukastig með því að safna samnöfnum úr textanum og skrá í stílabók eða á bréfsefni.

Í verkefni 2 vinna nemendur áfram með sérnöfn en raða þeim nú í stafrófsröð annars vegar og eftir lengd hins vegar. Raða þarf bókstöfum í hringjum rétt til að nálgast lykilorð nr. 2. Sérnöfn eru heiti manna, staða, dýra, hluta eða annarra fyrirbæra svo aukastigin felast í því að átta sig á þeirri flokkun, finna sögupersónurnar og skrá heiti þeirra og hlutverk í sögunni. Þá er jafnframt mikilvægt að muna eftir stórum staf í upphafi og enda setningu á punkti. Sem fyrr geta nemendur unnið í stílabók eða á bréfsefni.

Þriðja verkefnið er eyðufyllingaverkefni sem felst í því að setja sagnorð á rétta staði við myndatexta. Hér er um að gera að þjálfa fínhreyfingar, sýna listræn tilþrif og lita myndirnar fallega. Lykilorðið felst í því að leita að sagnorðinu í spurningunni sjálfri og aukastigin tengjast myndskreytingunni þar sem mest er hægt að fá 4 stig. Nemendur eru hvattir til að skoða stigagjöfina út frá stærðfræðinni og setja hana upp sem margföldunardæmi.

Í fjórða og síðasta verkefninu reynir á lesskilning þar sem nemendur svara 10 fjölvalsspurningum (krossaspurningum). Fyrir hvert rétt svar fæst 1 stig. Ef að er gáð má sjá nokkra undirstrikaða bókstafi og sé þeim rétt raðað myndast fjórða og síðasta lykilorð fyrsta verkefnapakkans.

Lykilorð fyrsta námsefnispakkans er: Húgó konungur er réttlátur.

Ýmis fylgiskjöl með verkefnapökkunum við bækurnar Óvættaför má finna hér.

Comments are Closed